>>>أنا عزوبي ..

[<<<من قدهااا]

انا عزوبي وأتقطع تقطاع ..على زواج البنت تدمع عيوني
انا عزوبي وين مارحت مرتاع ..زين العذارء بالعرب جننوني

اشوفهم في كل روحه ومرجاع ..من حيث ماوليت هم عذبوني
فالبيت فالتلفاز والصوت مذياع ..حتى العمل ياناس مافارقوني

وليا نويت السوق ناوي تبضاع ..أروح وأرجع منخطف حيل لوني
أرجع وقلبي الحايس مابين الأضلاع ..من زود دقاته تخلع أمتوني

اللي تغنج فالمشي بالتدلاع ..واللي تناظرني بطرفن فتوني
وأم العيون السود والرمش قطاع ..وأم الجدايل والكحل بالجفوني

وأم النقاب اللي تمصعك تمصاع ..قدام عيني والبشر يشهدوني
كنها تتمتع في عذابي تمتاع ..وأنا العزوبي كان ربي في عوني

وأهل الجنوز الضيقه وأهل لاوساع ..مدري وش اللي حدهم يلبسوني
منهم تجرعت المراره تجراع .. عفي كل يوم يزيد همي وحزوني

لو نطلع المريخ في لحظه وساع ..نلقى العوايل قبلنا يطلعوني
من بعد طرح وجمع وهموم وصراع ..قررت أنا أخطب وأنهي ظنوني

وفي ليله الفرحه تقول اني مرتاع ..ومن زود مافيني تراقل سنوني
أبوها قال اليوم ماني بطماع ..عندب شروطن للمهر وأعذروني

يقوم يوحي لي ويشر بالأصباع ..يبغى المهر ميتين أو يكثروني
يقول يبغى العرس في اقصور واقلاع ..ونبغى ذهب لأم العروس المزوني

ونبغى الحلا والكيك من كل الأنواع ..تبون والا ياعسى ماتبوني
ناس تحسب البنت شروه ومبياع ..تبي المكاسب لو زادت ديوني

ماهمهم لو زاد همي والأوجاع ..ماهمه يكود ملي البطوني
يامؤمنن بالله ساجد وركاع ..بنت أمانه حاذر انك تخوني

لاتعنس ابنتك في سبت أشباع ..نفسك وجمع الفلوس ماينفعونك
بكره ليا جتك المنيه والأوجاع ..تندم ولاينفعك دمع العيوني

الخيمه اللي بدون عمدان وشراع ..يمكن تطيرها الهبايب بهوني
أناعزوبي واتسكع تسكاع..تكفوووون بالله ياعرب أرحموني


<<<<ماأقول الا الله يكون بعون العزوبيه ..هع هع

[شرٍقإْوٍيه]

http://www.m5zn.com/uploads/97af30569f.gif
من قدهآإْ http://www.m5zn.com/uploads/97af30569f.gif

صـــح لســآإْنك { ولا هنــــت على هذهِ الروٍإْئـع....} http://www.m5zn.com/uploads/97af30569f.gif
http://www.m5zn.com/uploads/f5392378cc.gif http://www.m5zn.com/uploads/f5392378cc.gif

ولا عدمنــآإْ هذهِ القصصـآإْئد الرٍوٍعه {وهذإْ الاحسـآإْس الارٍوٍع} http://www.m5zn.com/uploads/97af30569f.gif


..http://www.m5zn.com/uploads/f5392378cc.gif http://www.m5zn.com/uploads/f5392378cc.gif

كل الود
شرقاويه http://www.m5zn.com/uploads/97af30569f.gif