هيــوـوـوب
04-05-2009, 03:06 PM
.: أغيِّر الطاروق:.
أغيّر الطاروق والقاف وابـدع
وولـع قلـوبٍ تحـس بولعنـا
واسير في بستان الاشعار واقطع
ورد قصيدٍ مثلهـا مـا زرعنـا
واحاكي الوجدان والقلب وانزع
من قل قلبٍ ونّـهٍ مـن وجعنـا
واجاذب الونات في كل مطلـع
لاهل الغرام اللي يونّـون معنـا
والاعب النغمات في كل مقطـع
يطرب لها لبيب قلـبٍ سمعنـا
واغازل عيونٍ بالاشواق تدمـع
وابكّي قلوبِ تجـزّع لجزعنـا
واشاهد عيون المحبين واجمـع
من كل عينٍ دمعهٍ والف معنـى
واصبّها في بيت الاشعار واسمع
صرخه فوادٍ قال معك اندفعنـا
____
من بادي الوقت :.
من بادي الوقت وهذا طبع الايامـي
عذبـات الايـام ماتمـدي لياليهـا
حلو الليالي توارى مثل الاحلامـي
مخطور عني عجاج الوقت يخفيهـا
اسري مع الهاجس اللي مابعد نامي
واصوّر الماضي لنفسـي واسلّيهـا
اخالف العمر اراجع سالف اعوامي
وانوّخ ركاب فكري عنـد داعيهـا
تدفى على جال ضوّه بارد عظامي
والما يسـوق بمعاليقـي ويرويهـا
الى صفالك زمانك عـل ياضامـي
اشرب قبل لا يحوس الطين صافيها
الوقت لو زان لك ياصاحبي مادامي
ياسرع ماتعترض دربـك بلاويهـا
حتى وليفك لو هيـم بـك هيامـي
سيّور الايام تجنـح بـه عواديهـا
____
.: نفسي عيوف :.
نفسي عيوف ياريش العين تجـزع
ماتقبل الحقران لو مـن عشيـري
الى متـى فـي طلبتـك باتخضـع
واسال متى يوم الوصل بى يصيري
لو كان قلبي فـي هـواك يتقطـع
خلـه لعلـه بالقسـى يستخيـري
انا جزمت انساك يازيـن وانـزع
اللي بقى من حبكم فـي ضميـري
مثلي عزيز النفـس عنـك يترفـع
دور هبيل افـواد مثلـك غريـري
____
.: ياطالبين الود :.
ياطالبيـن الـود لابـاس غاليـن
لاشك في قلبي غـلا ذاك فـارق
هذاك لـو شفتـه وحنّـا مغليـن
اشوف في عينه سنا الصبح شارق
وهذاك لو قلنا عن الزين ساليـن
وقّف على باب الهوى منه طارق
وهذاك لو سافر وشـدّو بعيديـن
غديت انا في بحر الاوهام غارق
وهذاك ماقابلـت مثـل نديميـن
يسرقني بعينه وانا احب سـارق
وهذاك لو صفّو بجنبـه مزاييـن
يصير كنّه في دجى الليل بـارق
عهد علي مادام في عمري سنيـن
اني لاخلّي غصن الاحباب وارق
وان مت انا ربّي يعيضه بحيّيـن
وياسم على كبده سواتي مطـارق
____
.: قلبي :.
قلبي اللي لواه مـن الصواديـف لاوي
جرّحته الليالـي والحظـوظ الرديّـه
والله اني بوسط الناس كنّـي خـلاوي
من يلوم المفارق عقـب فرقـا خويّـه
اشهد ان المفارق من عظيـم البـلاوي
مير هـذا نصيبـك يالعيـون الشقيّـه
اتجلّد واقول انّي علـى البعـد قـاوي
والله اعلم بقلب ٍ فيـه الاشـواق حيّـه
كيف راحت يابوتركي حياتي شقـاوي
وين درب السعـاده والحيـاه الهنيّـه
ليت لاهل الهوى والحب قاضي دعاوي
كان اداعي عيون اللي فراقـه خطيّـه
كنّي المبلي اللـي قطعتـه المكـاوي
كـل ماجـظ بالـونّـات داوه كـيّـه
دمتم كما انتم ......
أغيّر الطاروق والقاف وابـدع
وولـع قلـوبٍ تحـس بولعنـا
واسير في بستان الاشعار واقطع
ورد قصيدٍ مثلهـا مـا زرعنـا
واحاكي الوجدان والقلب وانزع
من قل قلبٍ ونّـهٍ مـن وجعنـا
واجاذب الونات في كل مطلـع
لاهل الغرام اللي يونّـون معنـا
والاعب النغمات في كل مقطـع
يطرب لها لبيب قلـبٍ سمعنـا
واغازل عيونٍ بالاشواق تدمـع
وابكّي قلوبِ تجـزّع لجزعنـا
واشاهد عيون المحبين واجمـع
من كل عينٍ دمعهٍ والف معنـى
واصبّها في بيت الاشعار واسمع
صرخه فوادٍ قال معك اندفعنـا
____
من بادي الوقت :.
من بادي الوقت وهذا طبع الايامـي
عذبـات الايـام ماتمـدي لياليهـا
حلو الليالي توارى مثل الاحلامـي
مخطور عني عجاج الوقت يخفيهـا
اسري مع الهاجس اللي مابعد نامي
واصوّر الماضي لنفسـي واسلّيهـا
اخالف العمر اراجع سالف اعوامي
وانوّخ ركاب فكري عنـد داعيهـا
تدفى على جال ضوّه بارد عظامي
والما يسـوق بمعاليقـي ويرويهـا
الى صفالك زمانك عـل ياضامـي
اشرب قبل لا يحوس الطين صافيها
الوقت لو زان لك ياصاحبي مادامي
ياسرع ماتعترض دربـك بلاويهـا
حتى وليفك لو هيـم بـك هيامـي
سيّور الايام تجنـح بـه عواديهـا
____
.: نفسي عيوف :.
نفسي عيوف ياريش العين تجـزع
ماتقبل الحقران لو مـن عشيـري
الى متـى فـي طلبتـك باتخضـع
واسال متى يوم الوصل بى يصيري
لو كان قلبي فـي هـواك يتقطـع
خلـه لعلـه بالقسـى يستخيـري
انا جزمت انساك يازيـن وانـزع
اللي بقى من حبكم فـي ضميـري
مثلي عزيز النفـس عنـك يترفـع
دور هبيل افـواد مثلـك غريـري
____
.: ياطالبين الود :.
ياطالبيـن الـود لابـاس غاليـن
لاشك في قلبي غـلا ذاك فـارق
هذاك لـو شفتـه وحنّـا مغليـن
اشوف في عينه سنا الصبح شارق
وهذاك لو قلنا عن الزين ساليـن
وقّف على باب الهوى منه طارق
وهذاك لو سافر وشـدّو بعيديـن
غديت انا في بحر الاوهام غارق
وهذاك ماقابلـت مثـل نديميـن
يسرقني بعينه وانا احب سـارق
وهذاك لو صفّو بجنبـه مزاييـن
يصير كنّه في دجى الليل بـارق
عهد علي مادام في عمري سنيـن
اني لاخلّي غصن الاحباب وارق
وان مت انا ربّي يعيضه بحيّيـن
وياسم على كبده سواتي مطـارق
____
.: قلبي :.
قلبي اللي لواه مـن الصواديـف لاوي
جرّحته الليالـي والحظـوظ الرديّـه
والله اني بوسط الناس كنّـي خـلاوي
من يلوم المفارق عقـب فرقـا خويّـه
اشهد ان المفارق من عظيـم البـلاوي
مير هـذا نصيبـك يالعيـون الشقيّـه
اتجلّد واقول انّي علـى البعـد قـاوي
والله اعلم بقلب ٍ فيـه الاشـواق حيّـه
كيف راحت يابوتركي حياتي شقـاوي
وين درب السعـاده والحيـاه الهنيّـه
ليت لاهل الهوى والحب قاضي دعاوي
كان اداعي عيون اللي فراقـه خطيّـه
كنّي المبلي اللـي قطعتـه المكـاوي
كـل ماجـظ بالـونّـات داوه كـيّـه
دمتم كما انتم ......