المساعد الشخصي الرقمي

مشاهدة النسخة كاملة : مدونة / من تكون؟! .. لأسير المشاعر..~

اسير المشاعر
10-26-2010, 10:21 AM
بسم الله الرحمّن الرحيم ..

اعزائي احبائي فلذات أكبادي

طبعاً شفتوني قدامكم .. هل تعلمون أن لي تقريبا 10 سنوات وأنا في عالم النت دائما دردشة وبعد فترة من الزمن عرفت المنتدى وكذا ... واعشق " النت بشكل لا يصدق " ..

ولكن ... ماعمري سويت شيء يدعى " مدونة عن نفسي "

مره فاكر قبل ممكن 4 سنوات او اكثر سويت بطاقة تعريفيه بالاعضاء ... وسحبت على ذاك المنتدى ههههههههههه هع . من طبعي مو من الاشخاص الملتزم على طول بس لمن ارتاح لشيء ابقى معه ولو الدهر يطول.

المهم أحبائي انا فتحت حق عدة اعضاء مدوناتهم وشفت ونظرت ولقيت الكل يبغى يعبر عن الي بداخلة من خلال الشبكة العنكبوتية . عبر منتديات وفيت .... والكل له بحره ومجاله.

والكل كاتب عن تعريفه لنفسه وكذا انا ماكنت افكر بالسوالف هذي كثير ممكن تقولون أنها مو من اهتماماتي بالحيل.

طبعا ولأول مره راح اسدل الستار عن شخصية " اسير المشاعر المعروف لديكم بمنتديات وفيت .. وهزني الشوق لعدة منتديات اخرى " راح تعرفون الشين والزين فيه خخخخخخ هع .. ^_^

طيب .. راح نسوي تعريف عن نفسي أولاً..

الأسم / صالح العمودي ..
العمر / 23 سنة
المواليد / دولة الكويت.

................................

.
.
.
يتتبع ...
اسير المشاعر
10-26-2010, 10:21 AM
..
..
.
عُدنا,,~

............
والأن .. انا من أكون؟

انا الشخص الي حكت له السحب عن هيامها .
انا الحب الي زارني والروح الي تعلقت في سرابها .
انا الوحيد الي " ضمها " لمن الكل بعد وتنحى عن بابها.
انا الي لاجتني متضايقه ومشتاقه .. نسيت روحي على شانها.
انا الجرح الي تآلم ونسى معنى لذة الحياة .. ونسى زمانها .
انا المعلم الي تعلم وإلي ممكن يعلم ... فقد روح شبابها
انا الصديق لأجاء وقت الضيق ... والواجب وظيفة ما انساها .
انا بشعري كلماتي وخواطري همساتي ... ابوح لقراءها.
انا بنظرتي تعرف ايش مصيبتي لا تحاول .. تغير مسارها.
انا بصوتي .. نبرة حنجرتي ... عنوان الأحزان ومكانها.
انا بضحكي ... نكت وخفة ... وانسى الجروح وآالامها
انا كل ما جيتني... تبغى رضاي.. تلقى الروح تراضها.
انا كل مازعلت .. اشكي لليل واتخفي خلف ظلامها.
انا كل ماتعلمت اكثر .. يزيد عمري اكثر.. تتلاشى ابتساماتها.
انا كل ماعرفت ان الزمن مثل البحر لا تدخل اعماقها .
..............................................
اسير المشاعر
10-26-2010, 10:27 AM
اي نعم .. فيه شغلة حابب احكي فيها

قبل حدود 3 ايام طلعنا انا والربع لمول اسمه " الأفنيوز " معروف عندنا بالكويت
المهم ... كنا نبغى ندخل السينما ... ههههههه طبعا انا تحمست وكذا ورحت اشحن كرت السينما الي معي
ع شان الحجز وكذا... < طبعا انا مدمن شيء يدعى" الافلام " يوه من صغري هالشيء .. لمن كنت في ايام الابتدائية كنت حاط برنامج ادرس من بعد المغرب لين ساعه 9 اذا فاكرين ساعه 9 يجي فلم من ام بي سي قبل ماتصير قروب وكذا ههههههههه هع ..

المهم رحنا نبغى نحجز وكل شيء والكل متردد انا من ضمنهم طبعا لمن وقفنا عند ... جهاز الحجز هههههههههه
وجينا نطالع الاوقات لقينا شوي الوقت متاخر لان بذاك الوقت قدها ساعه 9 والفلم يبداء على 11 كذا وراح يخلص متاخر وعارفين اصحاب الدوامات نبغى ننام بدرري هههههههههه المهم وقفنا وكل واحد يطالع بالثاني هاه ندخل ما ندخل ندخل ما ندخل هههههههه لين اخر شيء قلنا خلاص مانبي ندخل هههههههههههه .. وجلست اطالع فيهم وقعدت اموت من الضحك وجلست اقول لهم

لعنبوا جوكم الزفت ... من الاول سينما سينما لمن وصلنا غيرتوا رايكم ههههههههههههههههههه ..
هالموقف كان جميل حيل... .

اند ثانكس ... عن اذنكم اشوف شغلي بالمكتب خخخخخخ
اسير المشاعر
10-26-2010, 03:24 PM
اليوم حاصل تأتش .. بيني وبين الروح الطائشة الهاربة..

المزاج معكر ............. خارج نطاق التغطية
اسير المشاعر
10-27-2010, 08:47 AM
بسم الله الرحمّن الرحيم
السلام عليكم ورحمة الله وبركاته


اصبحنا وصبح مُلك لله...........

اليوم الصباح جميل والاجواء رائعه والدرجه الحرارة مايعادل 26 والان ممكن 30 مئوية في دولة الكويت

الشوارع كانت مزدحمة وتجيب المغاص خخخخخخخخخ

بس وانا لمن كنت بالسيارة ومشغل الراديوا .. سمعت معلومة تقول " حدث في مثل هذا اليوم بتاريخ 27-10-1904 عمل اول ميترو في نيويورك " . كانت معلومه مفيده اضفتها لمخزون معلوماتي في ذاكرتي ^_^

يلا ،، اخليكم ببلش بالعمل بالمكتب
اسير المشاعر
10-28-2010, 09:25 AM
بسم الله الرحمّن الرحيم


صباح الخير ياحلـــــــــــــوووين

اليوم الساعه 9.23 دقيقه تاريخ 28-10-2010
الموقع : الكويت - العاصمة - شرق - بالمكتب

الحالة : فله خخخخخخخخخ هع ... ولكن
المشوار حق الحين : لفة على البنوك ونشوف احوالهم والعمل على بعض الايداعات وكذا هههههههههه

الفطور : شباتي < هنديا خخخخخخخخخخخخخخخخخخخخخ .... ولا ننسى الشاهي والجبن
اللبس : ثوب لا غتره ولا شماغ ولا عقال هههههههههههه اليوم الراس يتهواء ههههههههه

والحمد الله بصحه وسلامه وبخير ... بس جيت شوي متاخر بالعمل .. ماهي مشكلة هههههههه المدير طيب يمشيها ههههههه

وتحييييييييييييياتي ..

ونشوفكم بمنتصف النهار

درجه الحرارة : 25 وصلت ل 26 < طبعا هالدرجه عندنا حاليا ياااه يعني شيء حلو جدا هههههههههه ممكن افتح الزجاج حق السيارة من دون ما اشغل المكيف ههههههههه هع

شاو
اسير المشاعر
10-31-2010, 07:56 AM
بسم الله الرحمن الرحيم


صباح الخير جميعاً

اسعد الله اوقاتكم بالطيب والمسرات


.......................

الاوضاع كويسه ونبشركم بالحال الطيب...


طاب يومكم اعزائي الأحباب
اسير المشاعر
11-08-2010, 10:05 AM
السلام عليكم ورحمة الله وبركاته

صباح الخير جميعاً

الاجواء صافية وهادئة
اسير المشاعر
12-06-2010, 02:56 PM
بسم الله الرحمن الرحيم

السلام عليكم ورحمة الله وبركاته


ياهلا والله بالاحباب صراحه اشتقت لكم كثير وكثيراً وحيل ووايد .................. ومرررررررررررررررررررره

طبعا انا الان في سفر برع الديره ... اجازة قلنا نقضيها خارج الاجواء المتعصبة



على العموم والله لكم وحشه مابعدها وحوش ... وافتقدت لشوفة كلامكم وكلماتكم ..
وكل مره لمن اقعد حالي حال نفسي اتذكر اشياء وبعض الشقاوة من جنوني واحساس و ليندا وفرح ....الخ

صراحه استوليتوا على البال تماماً...

المهم تحياتي لكم جميعاً واتمنى لكم الخير والصحه والتوفيق للكل ... ولازلت انا في سفري ان شاء الله مع اخر الشهر اكون بالكويت واكون متواصل معاكم.


تحياتي الجزيله لسموكم الطيب


مع السلامه